Christian Library

పరిస్థితులను మార్చే శక్తి...." ప్రార్ధన "....✍

" నీతిమంతుని విజ్ఞాపన మనఃపూర్వకమైనదై బహుబలముగలదైయుండును."
( James (యాకోబు) 5:16 )



ఈ ప్రార్ధన గురించి చెప్పమంటే సండేస్కూల్ పిల్లలు కూడా ఇలా చెబుతారు
" వాక్యం చదవటం అంటే దేవుడు మనతో మాట్లాడుతున్నాడు అని అర్ధం.
ప్రార్ధన చేయటం అంటే మనం దేవుడితో మాట్లాడుతున్నాం అని అర్ధం."
ఈ విషయం ప్రతి క్రేస్తవుడికి తెలుసు. . . .
ప్రార్ధన అనేది మనలోని ఆత్మకి ఆహారంలాంటిది, ఉపిరిలాంటిది ఎప్పుడైతే క్రేస్తవులకి ప్రార్ధన తగ్గుతుందో అప్పుడే వారిలోని పరిశుద్ధాత్మ శక్తీ తగ్గిపోతుంది.
అవును....ఈ మూడు అక్షరాల ప్రార్ధనకి మనం ఉహించలేని బలం ఉంది.
పర్వతాలను సహితం కదిలించగల శక్తీ మన దేవునికి ఉంటే; ఆ దేవాధి దేవుడిని కదిలించగల శక్తీ ఈ ప్రార్ధనకి ఉంది.

Bro. Billy Graham అనే దైవజనుడిని "మీరు ఇంత గొప్ప పరిచర్య చేయటానికి గల మూడు కారణాలు చెప్పండి" అని అడిగితే Bro. Billy Graham గారు ఏమాత్రం తడుముకోకుండా "నేను ఈ పరిచర్య చేయటానికి నాకు సహాయం చేసిన ఆ మూడు కారణాలలో 1. ప్రార్ధన, 2. ప్రార్ధన, 3. ప్రార్ధన" అని చెప్పారంట....

ఆదిమ కాలంలో "ఎనోష"తో ప్రారంభం అయిన ఈ ప్రార్ధన నేడు అనేక సంఘాలు నిలబడటానికి సహాయ పడుతూనే ఉంది.
హేబెలు ప్రార్ధనశక్తీ; తన రక్తం కూడా సాక్షం చెప్పెలాచేసింది.
అబ్రహాము ప్రార్ధన; అనేక జనంగాలకే అశీర్వధంగా మారింది.
యాకోబు ప్రార్ధన; అతనిని మగసిరి గల వాడిగా మార్చింది.
యోసేపు ప్రార్ధన; అతనిని ఫలించేది కొమ్మగా నాటింది.
మోషె ప్రార్ధన; తన జనంగాన్ని 40సం!!రాలు క్షేమంగా నడిపింది.
యెహోషువా ప్రార్ధన; సూర్యచంద్ర గతులను మార్చింది.
హన్నా ప్రార్ధన; నూతన నిబంధనకు తెరతీసింది.
దావీదు ప్రార్ధన; తన సింహాసనాన్ని నిలిపెలా చేసింది.
సోలోమోను ప్రార్ధన; దేవుని కనుదృష్టి దేవాలయంపై నిలిపింది.
ఎలియా ప్రార్ధన; ఆకాశం నుండి అగ్నిని దింపింది.
ఇంకా.... హిజ్కియా, యెహోషాపాతు, నెహేమ్యా, ఎస్తేరు, దానియేలు అతని ముగ్గురు స్నేహితులైన హనన్యా,  మిషాయేలు, అజర్యా మరియు ఇతర  చిన్న, పేద్ద ప్రవక్తలందరు మరియు  యోబు ఇలా వరుసగా చెప్పుకుంటూ వెళ్ళితే సమయం చాలదు. . . .

విరు అందరూ ప్రార్ధనావీరులే, ఇంకా అనేకమంది మన Bibleలో ఉన్నారు. . . .
కానీ నాకు ఎప్పటికి గుర్తుండిపోయే ప్రార్ధన "సైఫను చేసిన ప్రార్ధన".
అప్పుడు యెరుషలేములో క్రేస్తవులకు హింస ప్రారంభం అయింది, క్రేస్తవులు కనిపిస్తే చాలు వారిని హింసించటం ప్రారంభం అయింది. ఆ కాలంలోనే ఈ యవనస్తుడు మతనాయకుల ముందుకు తిసుకురాబడ్డాడు. . . .
సైఫనుతో వాధించటం ఈ మతనాయకులకు బహుకష్టంగా మారింది.
సైఫనులో ఉన్న పరిశుద్ధాత్మతో వారు వాధించలేకపోయారు, ఇంకలాభంలేదు సైఫనుని చంపాలి అనే నిర్ణయానికి వచ్చారు. ఆ సందర్భంలో సైఫను చేసిన అద్భుతమైన ప్రసంగం  ఆ పేద్దలకు, నాయకులకు మరింతగా కష్టం కలిగించింది.
అతని మీద పడి అరిచారు, నగరం బయటకి నేట్టివేసారు, చేతికి అందిన రాళ్ళతో కొట్టటం మొదలుపెట్టారు. . . .

సైఫనుపైకి రాళ్ల వర్షం కురిపించారు, సైఫనుకి ఒంటినిండా గాయాలు; రక్తం అతని దేహమంతా కారుతుంది,
అప్పుడు సైఫను నెమ్మదిగా తన బలం అంతా ఉపయోగించి లేచాడు. . . .ఎందుకు,
తనని రాళ్ళతో కొడుతున్నవారిని తిరిగి కొట్టటానికి కాదు,
పిరికివాడిగా అక్కడి నుండి పారిపోటానికి కూడా కాదు,
ప్రార్ధించటానికి లేచాడు. . . .
ఒంటినిండా గాయాలు, రక్తం కారుతున్న ఆ బలహీనమైన క్షణంలో కూడా ప్రార్ధించటానికి లేచాడు. నిలువు మోకాళ్ళపై నిలబడి తన చివరి ప్రార్ధన చేసాడు. . . .

 తన చివరి సమయాన్ని సైఫను తన ప్రార్ధనా సమయంగా మార్చుకున్నాడు.
 హల్లెలూయ. . . .
👉మోకాళ్ళపై ప్రార్ధన చేసాడు.
తన గురించి మాత్రమైకాదు; తనని హింసిస్తున్న వారి గురించి అక్కడ ప్రార్ధించాడు.

" యేసు ప్రభువా.... వారి మీద ఈ పాపము మోపకుము" అని సైఫను చేసిన ప్రార్ధన సౌలుకు కూడా క్షమాపణను ఇచ్చింది.
👉 పౌలుగా మారేందుకు, ప్రపంచాన్నే ప్రభావితం చేయగల క్రేస్తవుడిగా ఎదిగేందుకు పునాది వేసింది.

"మోకాళ్ళ ప్రార్ధనా వీరులుమాత్రమై  మరింత శక్తీవంతమైన సువార్త సేవకులను తయారు చేస్తారు"

హల్లెలూయ. . . .

మన రక్షకుడైన యేసుక్రీస్తు ప్రభువులవారి నామంలో చేయబడిన ఈ ప్రకటన ప్రకారముగాను మిమ్మును వాక్యంలో స్థిరపరచుటకు మన దేవుని ప్రేమయు, రక్షకుడైన యేసుక్రీస్తు కృపయు, పరిశుద్ధాత్మ సహవాసమును మీకందరికిని తోడైయుండును గాక.
ఆమేన్‌. ఆమేన్. ఆమేన్.



* అనేకులకు అశీర్వాధకరముగా ఉండులాగున ఇతరులతో పంచుకోండి.